أهم الأخبارصوت الطلبة

صرخة من أخطاء تصحيح الثانوية العامة ..طالبة متفوقة تحصل على 60 % ؟

هذه أحدى الصرخات من أخطاء تصحيح الثانوية العامة ، تستحقق أن يتوقف أمامها وزير التربية والتعليم الدكتور طارق شوقى بدلا من أن يصر على أن كله تمام ، فليس هناك أى منظومة إنسانية بلا أخطاء ، خاصة أن الطالبة صاحبة هذه الشكوى مستواها وتاريخها التعليميى يشهد لها بالتفوق عبر مراحل التعليم المختلفة، لذلك على الوزارة ان تراجع هذه الشكاوى بجدية خاصة بالنسبة لمثل هذه الحالات ، بعيدأ عن التظلمات الشكلية ، التى تكبد أولياء الأمور ، أموال كثيرة ، وغالبا لايحصل على درجات أضافية لان المصصحح دائما على حق .

وصحيفة الأستاذ الإلكترونية تنشر شكوى ولى أمر أحدى الطالبات كنموذج لشكاوى الطللاب من أخطاء الثانوية العامة .

“يا جماعة أنا بنتي كانت جايبة ف تالتة اعدادي ٢٧٠ من ٢٨٠ ودخلت ثانوي عام والحمد لله كانت مستواها عالى بكلام المدرسين وجينا تالتة والحمد لله هي وصاحباتهامن المتفوقات اللي معروفين يعني مجموعة معروفة فالتفوق بشهادة الجميع وجات الامتحانات صعبة وكانت بتراجع مع المدرسين هي وزميلاتها بعد الامتحان ويطلع عندها غلطات بسيطة خمس غلطات .
وطبقا لما تم مراجعته مع المدرسين هي وزمايلها كانت النتيجة المتوقعة ٨٩% وكلنا أمل ف ربنا أنه يكرمنا ومفاجأة يوم النتيجة أنها جايبة ٦٠% ازاي وليه البنت أغمي عليها من الصراخ وزميلاتها كلهم مابين٨٥% إلى ٩٢% وأما اشوف درجات بنتي الاقي الدرجات كلها ٣٠ من٦٠ وفيه مادتينالكيميا ٣٤ والجيولوجيا ٤٣ مبدل الدرجات فالمادتين دول عشان محدش يشك انها درجات بالبركة ومحطوطة عشوائى .
وفالاخر الوزير يطلع يقول محدش يعمل تظلمات الا اللى متأكد أن ايه درجات يمكن ورقة اتلخبط يبقى أنا كدا ورق بنتي اتلخبط ماهو مش معقول يا سادة الدرجات تكون كالاتي٣٠ انجليزي ،٣٠ فرنساوي و٣٠ احياء و٣٠ فيزياء و٣٤ كيمياء و٤٣ جيو لوجيا .
حد يقوللي يعني ايه ده فيه طالب فالدنيا يبقى مظبط نفسه علي درجة واحدة ف كل المواد ولما ييجي يغير بين مادتين يبدل رقمين ٣٤و٤٣ يا جماعة ارجوكم حد يوصل صوتي أنا بناشدكم بنتي مدقتش الاكل من يومين اسيبها أما تنتحر ولا يجيلها اكتئاب ولا ايه يا جماعة استغاثة بالله عليكم ارفعوا صوتي المسؤولين أنا عاوزة ورق بنتي دي مش درجاتها ولا ده مستواها ولاده مجهودها .
أحمد صلاح
ولى أمر أحدى طالبات الثانوية العامة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى